我地係經朋友介紹認識Karissa Wedding, 本身見到朋友的pre-wedding 相就心心眼，影相的style 真係係我地的杯茶！ 我地簡左去首爾影相，結果真係超出我地期望！ 我地第一日就同翻譯去到婚紗店簡婚紗，婚姻種類好多，店主好好人，聽到我地的要求而推介唔同婚紗。本身我都唔知簡咩婚紗適合自己，佢願意慢慢挑選唔同種類畀我試，所有款式都好靚。當時仲會簡單幫我紮左頭髮，畀我知實際效果。
第二日我地到了化妝店，平時睇得韓劇多，還是第一次經歷好似明星的化妝體驗。我係一個專用房間等候，睇住成枱化妝品，感覺好專業，化出黎個妝淡淡又自然，但會修飾到面部。
當日化完妝set完頭，就到studio。攝影師好好耐性教我地點擺pose，studio地方細細，但有好多場景畀我地簡，包你滿意。隨身還有一個阿珠媽好熱情幫我地補妝換衫，而且幫我地婚紗擺位。
我覺得packages 最好的地方係我地的翻譯係香港人，完全唔驚有溝通障礙，佢和藹可親及平易近人，還幫我地影左好多相，好似係韓國都有同聲同氣的人，體貼我地的需要，全程跟進。
我地都的朋友因疫情而係香港影pre-wedding相，好多人畀人hard sell 加更多修圖相，但Karissa Wedding完全唔會sell你買相。因我地已經有晒所有相，係香港慢慢同另一半簡相。
我覺得自己好幸運選左Karissa Wedding，全程有翻譯，好有幸福公主的感覺去享受影pre-wedding!