因為疫情冇得去外地影相，一通關我就諗住同老公去韓國旅行，順便睇下有冇得影婚照，比我搵到Karissa Wedding。
我地影室內，揀左studio102，係前期whatsapp溝通查詢既時候，CS都好好一一解答我地既問題，有禮貌又詳細，去外地影相我覺得語言溝通好重要，除非識當地語言，否則係香港有中介安排好所有野會得心應手啲，同埋我地唔洗拎婚紗過去真係輕便勁多！

我地揀左影相前一日揀婚紗，會有多啲選擇，我最滿意係佢介紹嘅婚紗店真係有好多好靚嘅婚紗，靚過香港個啲，老闆娘仲好好咁介紹一啲啱我着嘅婚紗，服務好超有耐性，試婚紗嗰陣仲會幫你輕輕set頭，等你有個concept到時影相出嚟會係咩效果。

無論是婚紗定影相嗰日都會有翻譯隨行，翻譯妹妹好盡責

影相當日我哋去左首爾一間makeup&hair stylist 店化妝set頭，終於體驗到韓式化妝係點，覺得自己好似vip咁，店內好寬敞好舒適。

之後就直接去studio影相，我地兩個少影相，攝影師會教我地擺pose。貼身幫我既姨姨好細心，每次影相前都會幫我地執靚返裙擺、裇衫領，褲浪、頭髮等等，又會扶住我起身呀落樓梯呀，換髮型、換耳環都會比意見，幫我轉既造型我都好中意。

因為我地只係影室內，半日就搞掂了，唔會辛苦。返到香港兩個月左右就收到相，啲相真心靚同好韓，我同老公都好滿意