未婚妻一直都想去韓國影婚紗相，然而搵韓國婚紗攝影唔係一件簡單既事，research後好多都係香港既攝影團隊黎，就算搵到d authentic 韓國攝影師都因為語言問題搞唔掂。

誤打誤撞好好彩係IG搵到karissa wedding，見到佢有同韓國唔少Studio合作，於是就去左了解更多。揀左啱自己風格既Studio後，會揀埋package。未婚妻最後揀左Studio+外影，包埋翻譯、助手、化妝、婚紗西裝租借、set頭。一條龍搞掂唔使煩。原相全部都會比返我地，仲寄埋到屋企。

攝影當日流程順暢，早上化妝set頭一個地方搞掂亦都唔馬虎。之後去外影去左首爾公園天氣好好，外影攝影師知道我地剛開始會尷尬，好搞笑會帶動氣氛，令我同未婚妻好快投入狀態。簡單午飯後去Studio到影到夜晚，風格韓式，亦都有d道具同埋會影唔同背景。

成品未婚妻亦都好滿意。價錢同香港影差唔多，仲可以同未婚妻簡單旅行。私心推薦～