四月到現家 過左咁耐先打返個好評俾你地真係唔好意思 首先 好多謝你地全個團隊的幫忙 拍攝過程非常開心 攝影師、化妝師和翻譯助手Kim好好人 攝影師和化妝師又好有默契成個影相過程都好愉快 我男朋友都讚你地服務好好 濟洲櫻花季節天氣會唔穩定 你地仲前一日幫我地check定曬天氣 影相當日天氣開頭係有少少落雨 但之後三個場景都冇 只係地下濕濕地但我都好開心 翻譯助手Kim仲同我地講心態好重要 所以我同男朋友就放鬆心情去影 所有我事先提及過的場景和我所帶過去濟州的道具攝影師都有幫我影曬 攝影師真係會諗邊個場景配襯你所帶過去的道具 仲有影5個鐘相 我地仲遲左完 真係唔好意思 最後影到夜晚7:00仲有翻譯助手Kim真係好貼心 佢怕我同男朋友餓買左紫菜包飯俾我地食 佢地仲教我和男朋友擺pose 同埋 事前問你地問題 你地都好快回覆我 真心推介俾朋友