喺youtube見到濟州影蕎麥花好靚同埋韓國studio 調色好靚😍好快就決定好Pre wedding地點~比較完之後覺得Karissa wedding幾乎0負評就決定搵佢喇😚雖然全程都係WhatsApp客服溝通，但係覆得好詳盡所有野都follow得好好👍🏻多謝哂Karissa不厭其煩答我咁多問題🤣

影相前一日濟州仲係落大雨，我哋都好擔心影相當日都會落雨搞到好狼狽🥲但係翻譯姨姨Stella同埋Karissa都安慰我哋話落雨嘅話都我哋唔使太擔心，出到嚟成品一樣會好靚，仲話會幫我哋祈禱唔落雨hahaha🤣🤣

當日團隊好準時嚟咗酒店接我哋去化妝室~化妝師好快手就化好咗個韓妝😲男朋友都好快搞掂埋個頭~但係本身佢唔係行oppa路線🫢所以整完出嚟個頭我哋都睇唔慣😂要自己再搞搞 (建議男士們髮型有需要可以自己gel) 另外嗰度都幾多裙款可以揀~Staff們好似誇誇群咁條條裙都會係咁讚你~當日化妝室返咗啲短裙新貨，佢哋極力推薦 室長仲話可以free埋個玫紅花氣球同長boot俾我襯! 見平日香港影嘅通常都係長裙款就決定挑戰吓短裙~

Package包3條裙，因為搭車途中換衫都需時，所以攝影師通常都唔想浪費太多時間喺換衫嗰part度，想爭取時間影多少少相~我本身自己準備咗條黑色裙，但又喺studio睇中3條裙😳Stella同攝影師溝通好話可以俾我喺車度快速換好🤩咁就成功可以4個場景4條裙😝另外攝影師真係好有經驗 因為我哋出發嗰時都係陰天，所以原定影日光海景就改為去草原拍攝，喺出發途中攝影師見天色開始轉返有啲藍天就即刻改咗去草原先 之後先再去樹林 咁就可以影埋個藍天shot😍就算我哋唔叻擺pose 佢都會自己示範埋女仔嘅pose🤣所以冇影開相嘅b2b們都唔洗擔心~影相全程又係會係咁讚你 我哋最尾影日落海景落埋水勁凍又會鼓勵你叫你fighting😂想影嘅shot同pose都影到晒!

當日車隊有個貼身助手好似萬能咁，補妝set頭攞裙換裙撥頭髮教我哋擺pose都有佢份🤣髮型我有reference俾佢，佢全部都還原咗出嚟🥹🤍整頭換裙又勁快手！影相嗰日又凍又大風 助手姐姐一影完就幫我披佢件外套 全程都扶實我驚我pk🤣佢真係超級nice🥹🥹😭

本身諗住連續拍攝幾個場景會好攰，但係似邊玩邊影多啲😝全日好彩一滴雨都冇落過，就算最起初天陰陰條原色出嚟出到嚟效果一樣會好靚💗客服同車隊同事全部都極friendly 成個體驗都勁好 超推薦呀💯