之前聽朋友提及過韓國濟州既pre wedding 都好好 因為影到好多大自然既景色 然後後來係youtube見到秋季會有粉紅芒草 即刻心心眼 係最愛既季節同粉紅色！跟住去左婚展睇關於韓國濟州婚攝既資料，見到有間都價錢比較相宜，但由於攝影師無期而有期既攝影師就我唔太喜歡該調色風格，就上網search到底仲有邊間好，結果就比我遇到十分滿意既Karissa Wedding！


前期未出發，客服一直好耐心解答唔同studio既價錢套餐，仲有經佢地幫忙訂氣球道具同鮮花球，當日直接送到化妝室 。出發前一星期就會確認4個場景，當日就會到酒店接我們。由於我地影夜景，所以會合時間都好舒服，食埋早餐先開始化妝set頭選衫。全程由司機姐姐及翻譯Stella跟進幫忙，情緒價值滿分的一日，不停聽到好靚好靚，哈哈！我想講的是 - studio 的婚紗晚裝全部都好靚，每件都好想要，而且唔使擔心size，因為有綁繩款及不同尺碼。

拍攝過程中也有點累，因為要一直控制表情，後來轉地點時司機及翻譯姐姐分享朱古力bar，立刻補充能量，如果再影多次pre wedding 一定會準備好小零食給拍攝team！因為天氣太大風既原因，攝影師見我地個氣球道具未有多用，送多左一個石牆的場景幫我們拍攝！氣球配石牆的效果超好！！！

全個過程其實很充實，很快就收到原圖，然後選相，很期待之後收到的修圖及相簿相架呢！