Hello Team Karissa ,

唔好意思，遲咗少少覆！
我地非常滿意當日嘅安排啊

翻譯小敏非常友善，全日都照顧得我哋好好，早早就提醒咗我哋要買定乾糧充飢，
喺我試裙嘅時候比咗好多引導同意見，非常細心
喺外出攝影之前就了解咗我哋嘅取向，知我哋鍾意自然感覺，又問咗我哋準備咗乜道具想喺乜地點影，正式開始前就同攝影師轉達咗我哋嘅諗法 攝影過程亦都擔當咗我哋溝通嘅橋樑，幫忙翻譯攝影師嘅instruction 亦非常清晰
全日拍攝順利，有一大部份都要歸功於佢嘅專業及協調，再次感激小敏
除咗婚攝相關，佢都好樂意分享好多韓國旅遊相關資訊俾我哋，非常感激佢！真的很好

當日都辛苦哂化妝師，佢幫我哋準備嘅妝容同埋造型我同未婚夫都好滿意
知我個黑眼圈係高難度難遮，不過佢好用心好有耐性幫我遮個造型簡單乾淨，唔會太誇張，恰到好處好喜歡
亦都好多謝佢全日keep住幫我補妝同補定型，仲好細心係咁幫我哋噴防蚊防蟲劑

Last but not least 的攝影師哥哥！！我同未婚夫都想大讚佢真係非常專業同友善
首先辛苦晒佢揸咗全日長途車！
攝影過程中所比嘅 instruction 同示範引導好到位，佢讚我哋做得好，其實都係靠佢指導得好，亦令我哋好放鬆，無乜緊張同尷尬，可以自然流露 最後佢有快速地show 一次playback比我哋睇，我哋真係非常欣賞非常滿意佢嘅選景、構圖同動作建議！好期待最後成品！
好多謝佢願意額外帶我哋去多唔同嘅地方影，知道唔係必然更加感謝佢嘅用心

最後都好多謝團隊全力滿足我哋想影日落嘅要求
辛苦晒大家都要去到夜晚七點幾先收到工 未婚夫都想同團隊講聲唔好意思 佢最後喺海灘真係有啲斷電彷神，hahaha！要辛苦晒大家同佢影多幾take

本身當日朝早天氣一般，我哋都係抱住
「唔落大雨就好」嘅諗法出發，點知天氣越嚟越好，唔會熱又唔大風，多雲但唔暗，晏晝就出過一下陽光，最驚喜到最後真係遇到想要嘅日落真係靚到我哋啞咗
小敏話濟州近期都落雨，好耐無咁靚嘅夕陽，話喱份係濟州送比我哋嘅結婚禮物 但我想講唔只個夕陽，當日超級用心幫我哋影到輯靚相嘅佢、攝影師同造型師，都係濟洲比我哋嘅禮物 無咗佢哋，唔會咁完滿

最後，我哋都非常感謝Karissa 團隊
絕對會推薦比其他嚟緊要結婚相嘅朋友幫襯

題外話1
攝影師嘅狗狗好可愛
未婚夫特別強調，攝影師嘅笑聲好幫到佢笑

題外話2
好好彩同埋好開心有加到氣球！
氫氣球同埋 Daisy 花花氣球都超級靚！！！！！
好鍾意！多謝