今年嘅10月中我終於去左濟州影pre wedding！一直都心大心細去首爾定係去濟州影好，最後就揀咗濟州，因為有好多好特別嘅花花！10月嘅時候影到粉紅色芒草，蕎麥花，兩樣都好震撼好靚！由於我自己都比較懶，所以一早就搵咗婚攝公司幫手安排！ 最後就揀咗karissa wedding！結果令我超級滿意！喺未去之前，karissa wedding嘅同事會同你傾傾你想影啲咩，幫你安排好多嘢，例如當日用嘅鮮花，道具，事前有啲咩想同濟州嗰邊嘅公司講，佢哋都會幫手安排。佢之前真係一樣嘢都唔使自己擔心同準備！

去到當日影相，陪同嘅司機都係識得講普通話亦都有一個翻譯一直陪同，佢哋兩位都超級專業超級Nice，一直陪我揀婚紗，比意見我化咩妝，而且佢哋兩個係當地濟州人，好熟悉濟州嘅天氣地形，絕對比到好專業嘅意見我！兩位去到影相嘅時候攝影公司嘅攝影姐姐都非常專業，我完全唔識擺pose佢都會教晒我！喺一個場景去一個場景嘅之間，兩位翻譯都會同我哋傾偈，成個過程氣氛好開心，陪同嘅化妝姐姐都好貼心，件衫污糟咗又即刻幫你處理，見你凍又會即刻俾件褸你着，好warm！不得不提，韓國化妝真係好好睇好自然！

拍攝之後好快已經收到當日影嘅相，效果真係超級靚！好開心自己係揀咗karissa wedding！