2025年B2B‍♀️🥰
係籌備婚禮嘅過程，第一件事我好快決定嘅就係要去韓國影婚紗相(2023年12月我哋就book左)。我自己本身去過好多次韓國，係唯獨是未去過濟州島，但係我哋好鍾意自然風光，所以就好希望喺嗰邊影婚紗相。

上網比較過好多唔同嘅Vendor，亦都睇過好多唔同嘅相，我哋最後就揀咗Karissa Wedding嘅studio #220，佢有兩間studio我哋都好鍾意，唔知老公肯唔肯第時唔知幾多週年再影埋第二間🤣🤣

因為我好想影繡球花，所以就開花日子只可以六月份去。本身係喺兩個星期日抉擇緊，我哋好好彩揀咗個日子係天氣非常非常之靚，因為我哋走嗰日就開始濟州梅雨季，打風落雨非常之誇張🫠

我哋係到步嘅第二日就影婚紗相，工作人員都好準時喺酒店出現，而且不論前期WhatsApp溝通定係到步之後，佢哋都好有耐性去提點同埋解答我哋嘅問題。特別係香港臨出發前幾日，通常都會有好多問題出現，而好想有一啲專業人士可以解答得到。影相當日去到首先係揀婚紗，工作人員會先問咗你嘅喜好去揀你鍾意嘅嘢，我覺得佢哋好好嘅一點係，因為我有兩條同色系嘅裙猶豫，所以當時佢哋俾我再試一次兩條裙‍♀️我絕對明白佢哋好需要揸緊時間而有啲新娘係非常猶豫不決，所以我非常之建議大家出發之前真係要諗好想揀嘅裙款同埋顏色，最重要係諗定點樣同老公去配搭！

之後去到化妝都非常快手，而且我本身眼睫毛唔係太長，但係化妝師係非常之犀利幫我黐假眼睫毛好快之餘亦都係無敵咁蹺影完相唔捨得落妝因為我哋有預先溝通好想影啲咩景點，所以真係好有效率。去到繡球花園見到啲繡球花咁澎湃真係非常之感動，而且再一次覺得好幸運，天氣真係好好🥹

成個拍攝都好順利，而且冇想像中咁辛苦，我以為拍一日戶外會好攰，但結果我哋兩個係興奮比較多。攝影師好識得去指導我哋嘅動作，而且隨行嘅化妝師係跟得好足，好主動去幫我撥頭髮定型頭髮換裙甚至乎幫我拎埋對鞋等等，所以成個體驗係非常之好🥰如果大家諗緊去韓國影相嘅話，大推Karissa Wedding (studio #220)️而且濟州島好靚又好好玩，呢個旅行係永遠難忘