由未同我未婚夫拍拖之前，都會幻想第時會去邊度影Pre Wedding, 有唸過英國，法國，日本等等，但有一次見到IG post見到濟州既花海，藍天白雲，嘩！！！我就想去濟州影相啦。

當同未婚夫籌備結婚既野，開始唸去邊度影Pre Wedding, 我就已經同佢講我要去濟州，經過一大輪research 之後，我地就揀左Karissa Wedding啦。

開始同Karissa Wedding溝通時候，因為我想影蕎麥花，佢地都有詳細講解花期，邊個月份會有邊d花影，同時又好詳細同我講成個影相package 會包括d 咩等等。因為我身型比較高大，同埋頭髮相對較短，擔心婚紗唔啱着🫣同埋髮型問題，客服都好有耐性解答我，令我真係可以兩手fing fing 就去濟州

去到濟州，翻譯Stella車我地去化粧室，路程佢都詳細話比我地知個拍攝流程，話如果有咩要求同問題，隨時同佢同埋攝影師講。去到化粧室化粧揀衫，我都有同化粧師講我喜歡橙色tone的化粧，而揀衫方面，職員都好耐心揀一d適合我style既款式，而且非常快手，同埋會講解比我地知去邊個景點，着邊件婚紗會配合d

去到拍攝部份，攝影師同助手都好熱情，因為我完全唔識擺pose, 但攝影師同翻譯會教我地點樣擺pose先靚，我地又帶左d道具影相，佢地都好好分配邊個景點用邊種道具，助手又隨時stand by, 準備好我個髮型化粧同埋整好我條裙，令到我地可以影到靚靚相️仲有翻譯姐姐仲同我地拍左好多側拍🤳🤳，全部都好靚呀
最後，翻譯姐姐仲送左兩個橘子形既菜瓜布比我地做手信，好可愛影完我地想食黑豚肉，翻譯Irene仲推介我地食邊間，幫我地book埋位，仲車埋我地去，真係太貼心️
總括成個拍攝經驗，我同未婚夫都好愉快同滿意🥰🥰期待收到相簿同掛畫