好開心終於收到相！karissa wedding係一條龍服務婚紗攝影公司，由前期咨詢，去到pre-wedding當日，再到後期修圖都跟進得好好，當初我地對於去外地影相都有好多疑問，WhatsApp左客服好多次，佢地都好有耐心一一解答，keep住同我地溝通，呢樣野真係重要，一世人影一次pre-wedding，一定想順利又影到靚相



好記得拍攝前一日濟州有暴雨，我地都好擔心會唔會影響拍攝，佢地同攝影師一直mon住天氣預報，建議我地提早開始，希望避開大雨嘅時份，臨時嘅改動要聯絡唔同嘅工作人員，佢地都短時間內安排好晒。攝影師當日一早去定拍攝嘅場地confirm有無俾大雨破壞左啲地方，又盡力搵啲我地心水嘅場景，拍攝期間都有落雨，成隊團隊一句怨言都無，陪我地到最後都係為左我地影到靚嘅相，可以順利完成佢地嘅功勞好大



如果有朋友要影pre-wedding，一定會推薦karissa wedding，可以放心交晒俾佢地！