我哋10月30號影pre-wedding！果排濟洲島日日都落雨又陰天，我哋都好擔心影果陣係呢啲天氣。當日出發發現好好天，連化妝師姐姐、Stella姐姐同攝影師都話我哋好幸運！同埋佢哋都識普通話，好彩我普通話都唔差可以溝通得到！化妝師姐姐幫我化咗個好靚嘅韓妹妝，而另一個化妝師姐姐幫我男朋友set 咗個oppa頭好好睇 化完妝到咗揀婚紗果部分，完全唔識揀同埋我膊頭比較闊而手臂又粗，佢哋會比建議我應該揀邊啲比較適合我。之後食少少野就出發去影相Iu！去到會合攝影師，我第一次間就話我同我男朋友都有鏡頭恐懼症，唔識擺pose，好驚 但攝影師會同 Stella一齊教我哋擺pose，又會氹我哋笑，一開始影果陣都真係好緊張又薑硬塊面，到之後影影下就好似開始習慣咗咁。攝影師會就返我哋邊面靚好睇啲去影同埋會問我哋有咩風格想影！因為我男朋友極度怕羞，而攝影師係咁叫佢：笑笑！i watching you！氹到我哋好好笑 仲有鼻子貼鼻子、肚子貼肚子之類！
去到海邊影日落，我揀咗啲高難度要我男朋友抱起我影相，其實佢影咗大半日相已經好攰，不過都好配合！而攝影師哥哥同姐姐們都係咁講加油加油 全日嘅感覺非常良好同舒服，好多謝每一位咁落力幫我同我男朋友令到成個pre-wedding 都好順利，每影完一個地方攝影師都會比佢相機幫我哋影果嘅相比我哋睇，真係每張都好靚好驚喜，已經好期待收到啲相係點！！！