非常滿意呢次濟州型嘅婚紗相！
一開始係喺‎karissa個網度揀自己想要嘅studio，揀好studio之後就揀日子，之後自己book book酒店就可以等出發啦！
好可惜拍攝當日係落超大雨，全日都係得我哋一對新人影婚紗相，所以揀婚紗同化妝嘅美容室都係冇人！
但係攝影師、化妝助手、同翻譯都非常好人！我哋喺戶外影咗大半日，佢哋係完全濕晒，但都繼續陪我哋影，攝影師仲非常投入，不停幫我哋搵好多唔同嘅角度！非常專業！
原本安排嘅花海景，草景，都因為落雨同大霧要臨時取消！改咗影森林景同公路景，但係影出嚟個結果都非常滿意！再加上攝影師嘅修圖技巧同調色，係我自己好鍾意嘅風格！今次濟州婚紗攝影雖然撞上唔好嘅天氣，但係影完出嚟嘅相非常之靚！
因為我哋婚期比較急，影完相之後都希望盡快拎到相簿同相，Karissa wedding都非常好人幫我哋叫studio趕
總之今次濟州影嘅相係非常之滿意，非常之推薦，大家搵佢哋影婚紗相🤭