karissa wedding 幫手安排既拍攝真係好開心又好滿意 天氣又十分好有藍天白雲又唔會好大風 翻譯同司機姨姨都話係難得既超好天氣 真係好幸運
翻譯阿Kim 好專業 好多問題都會解答到
由早上開始接我地就好用心照顧住我地 會主動講有問題既地方可以提出
化妝 揀婚紗 影相既時候都會問我地意見 又會比好多幫助同建議我地 令成個拍攝過程更順利流暢
司機Irene都非常貼心 去每個地方都會講清楚 又怕我地會餓 準備左小食同飲品 又有蚊怕水同藥膏 真係有好多法寶去照顧好我地 最後仲推薦好食既燒肉餐廳
化妝師同髮型師十分快手 但又做到自然既妝 真係想要既妝講左出黎就會做到 唔洗貼雙眼皮貼都放大到眼睛又精神消腫
化妝師有跟埋出外景 每個場景都會問清楚想要既髮型同推薦適合的 補妝同轉髮型都係超快手🫶
攝影師好友善又有趣 拍攝期間同司機 翻譯 化妝師都會比好多鼓勵 令拍攝更開心🥳
比既指示都好清楚 所以好易跟足 每個場景都會拍完再比你確認 想要既自然風格全部都有拍到出黎 亦會再問想拍既pose 令你唔會失望
因為拍攝非常流暢 仲主動話送一個service場景比我地 真係好多謝佢 明白唔係必定會附送🥺
呢個真係一個大bonus 全靠大家都配合得好好先會做到
最後多謝karissa wedding 既cs 無論問咩問題都會好快又詳細咁回覆 到拍攝前又會主動再聯絡傾場景同幫助訂鮮花 令我地一啲擔心都冇咁完成呢個pre wedding shooting
大推薦啊