由決定去韓國影Pre-wedding，好快就已經揀中左Karissa Wedding既濟州203 studio，覺得203既風格好靚。
由詢問到韓國影相，所有野都好順暢好滿意。
同Karissa溝通都好好，問咩都可以答到我地，仲會推介我地住邊到會較方便。
攝影師max好專業，不斷指導我同夫婚夫笑同擺pose，雖然我同夫婚夫笑得唔靚又僵硬，但max都好努力，辛苦攝影師了🥹。攝影師會突然有idea，例如係樹林有個位有好靚陽光，即刻同翻譯溝通，換另一條裙影左陣🫶，仲有事前本身sd比攝影師想影既參考圖基本上係會幫我地影番曬！🥹🥹當日太緊張，連自己都唔記得左自己想影咩，係攝影師幫我地影個下先記得🤣。雖然拍攝時間只有4小時，但其實影4個景點都十分夠時間，影到好多相，唔洗擔心好趕。
相既效果當然都係好靚好滿意啦🫶

翻譯姐姐都好好，好專業，比左好多意見我地，一去到化妝室就即刻幫我地檢查我地既恤衫鞋道具有無問題，我同未婚夫都係冇咩意見既人，翻譯姐姐俾咗好多意見我地🥹
婚紗問左我想要咩款，就好快手揀左幾條裙比我試，建議邊條裙咩地方著會較好，沿路都好照顧我地，仲主動幫我地影左d側照。

化妝師化得好靚好韓，係車上面幫我轉髮型補妝，教我地擺pose整裙，又幫未婚夫每個景點轉煲呔同轉花球，全程都跟得好足