我地揀嘅係Karissa Wedding拍攝。我地拍攝既日子係10月1日，本身出發前都擔心呢段時間花期初開會唔會未開得曬，臨去前幾日睇天氣報告都話會全日陰天同落雨，所以都有啲擔心。但係去到濟州嘅時候天氣比想像中好，間唔中都有藍天白雲，而花都比想像中開得多。


係影相嘅前一日，攝影師透過你地通知我地話拍攝當日下午隨時會有狂風大驟雨，所以叫我地將行程提早，呢方面貴公司同攝影師都好貼心，盡量將惡劣天氣嘅影響減到最低，令到成個過程都可以順利咁進行。好好彩嘅係我地進行近5小時嘅拍攝過程中都無受到惡劣天氣影響，所以呢方面好多謝貴公司同攝影師嘅貼心安排。


而翻譯呀Kim都盡最大努力咁去協助我地。因為言語不通嘅關係，呀Kim都會將攝影師想同我地表達嘅嘢進行翻譯，令到成個過程都好順利好愉快。另外化妝姐姐都表現到佢嘅專業，係拍攝唔同嘅場景都對新娘有唔同嘅裝扮同服飾安排，每一個設計都好靚，新娘亦都好滿意！
多謝貴公司嘅貼心服務，之後都會介紹更加多嘅朋友嚟貴公司！