今次係我同男友第一次黎韓國，多謝Karissa wedding俾左個好好體驗同回憶我地！不論係翻譯定係聯絡既職員都好用心解答我地既問題同協助我地，今到成個婚攝既流程都好順暢！

雖然當日天氣時好時壞，但全靠攝影師全程mon住濟州d公路cam睇下邊到適合影相而好彈性咁調d行程，我地先係全日陰天既情況下都影到d太陽😭😭

特別想講森林果part，就算係超大霧，攝影師都用左唔同道具配合，影左另一個感覺出黎，我地都好驚喜好鐘意！

估唔到天氣差反而影到個咁特別既場景，本身我地覺得自己carry唔到型格style，但宜家反而係最期待果到既成品 🤣🤣 多謝攝影師搵到d咁特別既地方，同埋佢知道我地好想影pampas，但原本行程pampas個地點因為落完雨而唔適合影，佢即刻上網搵其他地方補上，雖然係遠d，但真係好靚😍😍

另外仲有要大大力讚下攝影師太太，一手包辦化妝set頭著婚紗揸車兼助手，做野細心又有耐性，妝同頭都整得好靚！同香港既style好唔同，但影出黎效果係好好😍😍 studio220 讚！！