籌備結婚既首要任務當然係要搵師傅擇日同搵場地，當我同男朋友決定左婚禮既日子同搵左場地之後，我地就開始計劃影Pre-Wedding嘅地方 其實好多地方都好吸引 直到我見到一個YouTuber 去咗濟洲 Karissa Wedding 影婚攝，我被粉紅色芒草、蕎麥花田、大草原、好藍嘅藍天深深吸引住，所以我哋好快就決定咗要去搵返個個YouTuber 去既個間wedding 公司 搵返同一個攝影師拍攝婚攝。

大約2月中，我哋已經開始諮詢Karissa Wedding，無論係價錢定詳情，Karissa Wedding 都會列明得好清楚，無論我問幾多問題，佢哋都會好有耐性地回覆，所以我哋就決定咗要揀呢一間公司。

到影相當日，翻譯一早就已經到咗我哋嘅酒店接我哋去美容室，翻譯嘅普通話非常之流利，而且化妝師都係識講普通話嘅，韓國嘅化妝師真係非常之專業，妝感非常韓系，我本人非常滿意，而且化妝師仲會化身一日助手，基本上好多嘢都會係佢做，非常專業同細心。攝影師雖然唔識講普通話，不過佢都好努力教我哋擺pose，場景都真係非常之靚，就算唔係影婚攝，濟洲都係值得一嚟嘅地方！