由於我同另一半喺香港影咗indoor prewedding,所以想喺外國影outdoor。睇左好耐決定去濟州，因為近近地，我地都無去過濟州，同埋發現10月影的話正正有粉紅芒草，真係好吸引。睇到唔同youtuber介紹濟州pre wed 中介就reach out佢地。最後就選咗Karissa，因為覆得最快同比較詳細而studio又有期。

出發前Karissa有好詳細checklist提我地要準備啲咩。到攝影當日朝早9點左右,翻譯已經到左lobby接我地，好準時。去到美容室我直接開始坐低化妝，男仔就好快整完開始睇禮服，聽返佢講都有好多選擇，咁啱個日職員同翻譯搵到一套完全perfectly fit嘅西裝俾佢，唔駛改真係好好。

至於我化妝方面，化妝師好有心機化，頭髮其他職員夾曲都夾得好靚,同埋好持久。婚紗佢地實在有太多選擇，我建議出發前諗定要啲咩款，我事前有問karissa拎啲婚紗snap睇，決定左兩套白色一套其他顏色，吊帶、a line同offshoulder咁，所以佢地都好快推薦一啲相關款式俾我。翻譯同職員同時會幫我match返條裙適合邊個場景影相。

我選左森林，粉紅芒草，蕎麥花田同海邊。karissa整日安排都好好，完全跟到佢proposed rundown，攝影師都會有好多唔同既POSE建議我地擺。有D可惜只係當日天陰太多雲，比想像中無咁靚。不過好彩既係我個間studio有得合成天空,所以最後效果都唔錯。

另外化妝師會準備好花球襯邊個場景,我覺得佢襯得好好。男仔方面都準備到好多bowtie/tie俾佢配。化妝師每次去一個場都幫會我轉髮型,佢最後建議我可以紮髻(我一路都唔肯),原來都好好睇。

影完化妝師同翻譯都即日send返D側拍我地。至於原檔影完一個星期內都收到哂，精修相大概兩個多月就收到，依家等緊相簿同油畫。Karissa知道我地婚期較趕都有盡量follow up同埋提我地要快D選相修圖,亦都無其他額外收費,Overall都好好。

大家有興趣都可以試下韓國style既prewedding,同香港既體驗都好唔同。