呢間婚攝公司係同事介紹，同埋都有youtuber介紹，睇完d片覺得都好令所以膽粗粗試下，本身未去過韓國，依家一來就去影婚攝都幾大膽🤣不過好彩最後成個體驗都好好！對濟州呢個地方都留下左深刻既印象同美好回憶🤣
本身29/3影相，我地28/3已經到步不停落雨，非常擔心第二日攝影都係落雨，客服話天氣報告話我地影相果日係大晴天叫我地唔好擔心🤣點知第二日真係好好天！影到我想影既櫻花同油菜花！非常感恩！
客服非常細心，有禮貌，有咩唔清楚唔明白問佢都好有耐心回答，非常值得稱讚
攝影師係女仔，好q好有活力同埋好專業，教埋我地擺pose，成個攝影氣氛都好開心，助手都好好我地有d想影既角度同感覺都可以影到出來，同埋特登搵左好幾個唔同既櫻花景比我地揀，我地比佢既參考圖影到出來完全係我想要既野！多謝客服係中間幫我地同攝影師溝通翻我地想要d咩效果️
翻譯好照顧我地，係拍攝過程又成日鼓勵我地🤣雖然果日就來無太陽既時候影好凍🥶，但佢不停同我地打氣堅持，好令，好快完🤣影完又即刻比暖好左既暖包比我，真係好窩心️最後又介紹左幾間好好味既餐廳比我地，真係好多謝佢🤣
化妝師好快手，我有想微調既位都有幫我處理，髮型師都好好，我有要求提出都盡量滿足，本身得一個鮮花造型，最後又送多一個比我🤣，非常感激！係出面影相都係佢幫我換衫轉造型，好快手，同埋影完即刻搵衫披住我
係化妝室幫我揀衫既店員都好快可以搵到我鍾意既婚紗款式，又比到意見我揀左條我見到唔會試既衫，但著上去效果好好！多謝佢既建議
司機好nice🤣請左我地食濟州特產柑好甜好多汁🤤
希望以上經驗可以幫到要搵婚攝既大家，祝福大家可以搵到好既婚攝公司！🫶