之前上網睇分享已經好鍾意韓式婚紗攝影, 係網上見到濟洲嘅婚紗攝影作品好靚，所以就揾資料做比較，問咗'karissa wedding’了解咗佢哋服務同Package都唔錯，所以之後決定咗karissa。
影相當日有司機同翻譯嚟到酒店接我哋去做妝髮同揀婚紗，佢地好準時仲有提我哋檢查有冇拎漏嘢。雖然staff全部都係韓國人，不過翻譯識普通話可以全程恊助我哋，亦都可以俾意見幫我哋做決定。本身都擔心揀唔到裙/會唔岩size，但最後無問題，裙都好靚。
影相我哋揀咗影粉紅亂子草，蕎麥花田，樹林同海邊。
拍攝當日天氣好好，影相時攝影師會不停指導我哋嘅動作，表情，翻譯都反應好快咁講俾我哋知，拍攝過程順利。
影完當日攝影師都有send啲短片俾我哋，仲有收到翻譯影嘅側拍。之後好快就收到相啦，期待之後嘅相簿。