我地計劃結婚係簡單搞，搞簡單而隆重儀式，唔想搞得太繁複，最主要想有最親嘅人同朋友見證。 但係唯獨是好執着嘅係想影一輯靚嘅結婚相，留個紀念，等日後老左都可以睇返靚靚嘅自己，哈哈！


好開心可以搵到karissa wedding，呢間韓國婚紗攝影，同坊間嘅海外婚攝公司唔同，Karissa係一人打理，負責安排婚攝，同韓國嘅司機、工作人員、化妝師、攝影師溝通，幫手翻譯。我覺得成件事冇咁商業化，實在好難能可貴。Karissa耐心同真誠嘅服務，令我地在濟洲拍攝當日好順利。同時，我地覺得karissa wedding 呢間韓式婚攝，係一個好好嘅體驗！️

拍攝當日8:45 司機姐姐一早就同Karissa就到左我地酒店樓下接我地，首先帶我地去美容室揀婚紗+試身。當日我選擇困難症發作，全靠有好多好有經驗嘅助手幫手揀婚紗款式，好輕鬆就揀咗兩件婚紗，一件晚裝裙，之後就有化妝師同埋髮型師幫手扮靚靚，然後著好哂婚紗男禮服，就可以出發啦。拍攝當日，我地去左四個景點影相️ ，包括有：濟州海邊，粉紅色芒草，蕎麥花，草原景。景點與景點之間安排得好好，所有嘅景點唔會太遠路程，而拍攝由12:00上車出發開始，到18:00左右完結，時間唔算太長時間，但影到晒我地想影嘅相 (拍攝前期，Karissa 會先同攝影師溝通，等佢了解新娘新郎想拍攝嘅效果) 拍攝時，攝影師全程指導我地擺pose，就算唔識影相，都可以好放心交個人出嚟。仲有跟足我地全日嘅助手姐姐，協助換婚紗、補妝、轉換頭髮款式、整理儀容。 我地好欣賞成Team人所帶來嘅效果，成件事最舒服嘅係，感受到大家都好友善真誠，所以我地影相時影得好開心，大家都好歡樂笑得好開心，呢一次係一個好好嘅體驗。多謝晒咁多位對我地嘅照顧！