我哋返到香港啦 終於有時間比返好評你哋
多謝客服詳細解答我 所有有關濟洲婚攝嘅細節同問題

客服都好細心地將我所有攝影要求轉達比攝影團隊 想影嘅花景同玩仙女棒嘅夜景 客服都有轉達比攝影師知幫我哋同攝影師協調好所有拍攝嘅景點地方 拍攝完成後都有關心我地再整理好拍攝嘅側拍再send返俾我哋

翻譯姐姐小敏 攝影師同化妝師 都非常專業 成個婚攝過程都非常smooth
化妝師化嘅妝快靚正 特別係眼妝真係化得好靚
試婚紗裙嘅時候都好快手地幫我着上身試
而每到一個影相點之前 化妝師都會幫手轉衫同轉髮型 又會幫手擺好裙擺影相 亦都會喺適當嘅時候幫手補妝十分體貼

翻譯姐姐全程都非常照顧我哋 由揀衫揀花球都比到好好嘅意見我 見我件外套唔夠厚 借咗張毛氈同比左個暖包比我保暖 婚攝裙唔方便行路都會幫我拎起又會關心我着高踭鞋會唔會行得唔舒服 亦會幫我哋影側拍留念拍攝途中又不斷為我哋打氣

攝影師都充滿活力 全程指導我地點擺pose影相為咗影到我想影嘅花景
喺拍攝當天早上仍然不斷幫我哋搵適合嘅地方影 最終都搵到一個我好滿意嘅地方影相 而攝影師都細心為我哋準備咗仙女棒影夜景 最後拍攝完仲即時送咗兩張我哋當日影嘅相俾我哋真係好驚喜

多謝你哋令我哋有一個咁難忘嘅婚攝體驗

麻煩晒你哋幫我轉達啦
多謝晒你哋嘅讚美
睇咗攝影師幫我哋揀嗰20張精修相都好靚
好開心搵咗你哋影 pre wedding