一開始就俾濟州粉紅芒草嘅婚照吸引到，決定要搵濟州婚攝公司。見到網上有人推介Karissa Wedding, 問左Karissa 婚攝嘅package, 覺得studio 拍攝style 同價錢都適合，於是揀左Karissa studio 230。

出發前見到天氣預報話拍攝當日會落雨，我地一路好緊張問Karissa 職員，佢地一路有同攝影師溝通，確保拍攝行程唔會受阻。

拍攝當日有司機來酒店接我地去當地化妝室。冇諗過可以兩小時內完成晒set頭化妝，同試左8-9套婚紗，效率超高。俾我地可以係化妝室附近餐廳慢慢食lunch先出發拍攝。

下晝出發去4個拍攝地點，我地揀左去樹林，蕎麥花，粉紅芒草同日落海邊，時間一d都唔趕。多謝翻譯Stella 同攝影師好有經驗咁指導我地兩個擺pose，同埋化妝師一路幫手整理條裙 補妝轉髮型。第一次影婚攝，冇諗過可以咁順利。攝影師預時間預得好好，studio有自己粉紅芒草花田，同埋有自己拍攝位置，唔驚會撞到遊客多人嘅情況。

拍攝後一日已經收到翻譯Stella影幾百張嘅側拍，已經覺得影得好靚。而攝影師嘅相一星期多就俾到我地，連埋廿多張修圖。成品同成個過程我地都十分滿意，好多謝Karissa團隊，令我地有咁順利同難忘嘅婚攝體驗。