Hello 想多謝你地既安排，由IG睇到你地好靚既婚紗照到今日，都一直好細心
咁覆我地每個問題，唔厭我地煩 仲要好細心咁幫我地換左日子，先有今日咁完美既組合！

同埋想多謝今日既化妝師，攝影師們，特別係 Irene 既全程照顧，佢由朝早買飯團比我地，到晏就準備埋水果，又知我地行路唔方便有埋拖鞋，勁細心同體貼，而且超有經驗，比佢睇左想要既裙款之後，即刻拎左完全係自己心水既Style，唔會浪費時間，加上想拍攝既風格，完全同我哋諗嘅一樣 溝通無障礙

化妝室長都係勁好人，想要既髮型妝造都好靚，全程幫手整理髮型同裙，超級nice！加上攝影師們勁專業教晒我地擺post同埋表情管理，比勁多情緒價值，所以一直影個氣氛超好，加上女生攝影師，好 get到女仔想要咩感覺同效果

所以整體感受真係好好，原本覺得五個鐘驚唔夠，但因為大家都勁專業所以超級快手，時間岩岩好，因為五個鐘已經影到好攰