平時同男朋友都比較少影相，香港影pre－wedding 怕人多尷尬，咁啱響IG見到Karissa wedding嘅廣告，引起咗我哋對濟洲影pre-wedding嘅興趣， 各種大自然風景、海景都好靚。睇過好多唔同公司嘅package， 亦搵過香港攝影師 ，但最後都係比較鐘意karissa wedding佢哋studio 200嘅小清新感覺， 同埋可以唔使自己帶婚紗去韓國。所以最後都係揀返Karissa。

WhatsApp客服好有耐性有問必答，所有要求都有同韓國個邊好好溝通、查詢。

原先黎到都有啲擔心，原來係不必要嘅。裙款有好多，又多顏色揀，總有你岩。

翻譯、化妝、小助手、司機服務態度一流，唔會求其了事，只要你提出，大家都會盡量滿足你所想。個妝靚得黎又自然。

攝影師會帶埋props去，會教哂你點擺post，助手見你凍會幫你著褸、腳底踩完草地/沙，佢都會用手你掃，全日以新娘為中心，完全唔洗膽心。

咁啱拍攝地點有其他原本冇諗住影嘅花，翻譯都會主動問我哋影唔影埋。全程都會比專業嘅意見，但唔會強迫你，非常友善。最後仲送咗可愛又有心思嘅小禮物俾我哋🥰

非常感謝當日大家嘅付出，令到可以順利完成🫶。仲好好幫我哋影咗好多側拍，等我哋可以率先睇拍攝當日嘅相。

我哋亦好好彩，響櫻花期仲要撞正藍天，成個拍攝過程都好輕鬆愉快，真正做到幸福無憂慮嘅pre-wedding！